Hətəmzadə Eldar Mürsəl oğlu. Azərbaycanın regionlarında ürək-damar xəstəliklərindən ölüm riskinin iqlim-coğrafi qiymətləndirilməsi (monoqrafiya). Bakı, MSV nəşr, 2026.

Monografiyada elmi tədqiqatlara əsaslanaraq Azərbaycan Respublikası ərazisində əhali üçün iqlim-coğrafi amillərlə bağlı sağlamlıq risklərinin, xüsusilə ürək-damar xəstəliklərindən ölüm riski ilə əlaqəli qiymətləndirmə nəticələri təqdim edilir. Müəllif anormal isti və soyuq hava şəraitinin ürək-damar xəstəliklərinə təsiri, həmçinin istilik həssaslığına təsir edən amillər haqqında mövcud epidemioloji məlumatları araşdırır. Habelə temperaturun (xüsusilə ekstremal temperatur şəraitinin), yağıntıların və günəş işığının insan sağlamlığına mümkün təsiri və bu təsirlərlə bağlı risklərin proqnozlaşdırılması müzakirə olunur. Monoqrafiyada ekstremal istilik şəraitinin ürək-damar sisteminə təsirinin əsasını təşkil edən potensial patofizioloji mexanizmlər nəzərdən keçirilir. Həmçinin, iqlim dəyişikliyinin yaratdığı sağlamlıq risklərinə ən çox və ən az həssas olan populyasiya qrupları (məsələn, yaşlılar, xroniki xəstəliyi olanlar və s.) təsvir olunur. Azərbaycanın iri şəhər və bölgələrində ürək-damar xəstəliklərlə bağlı ölüm riski ilə meteoroloji amillər arasında əlaqənin təhlilinin nəticələrini, ürək-damar xəstəliklərindən ölüm riskinin aylıq və mövsümi dinamikasının xüsusiyyətlərini təqdim edir.