İlyasov Müseyib, Həmidova Xalidə, İsmayılova Nigar. Ətraf aləmlə tanışlığın metodikası. Dərs vəsaiti. Bakı, ADPU nəşriyyatı, 2026.

Ətraf aləm dedikdə bizi əhatə edən həm canlı, həm də cansız təbiət, eyni zamanda cəmiyyət və ictimai mühit nəzərdə tutulur. Bu amillərin hər biri məktəbəqədər yaşlı uşaqların təlimi, tərbiyəsi və ümumi inkişafı, həmçinin onların şəxsiyyət kimi formalaşmasında mühüm rol oynayır. Uşağın şəxsiyyətinin tam formalaşması üçün bu təsirlərin ayrı-ayrılıqda deyil, qarşılıqlı əlaqə və vəhdət şəklində nəzərdən keçirilməsi zəruridir. "Ətraf aləmlə tanışlığın metodikası" fənni, öz məzmun və məqsədinə görə digər fənlərdən fərqlənir. Bu fən uşağın doğulub böyüdüyü yer, yaşadığı mühit, yəni mikro aləmlə daha sıx əlaqəyə malikdir və buna görə də özünəməxsus pedaqoji xüsusiyyətlərə sahibdir.