Hüseynov Hüseyn, Əhmədov Sarif, Hüseynov Kazım. Üzümün əsas xəstəlik və zərərvericiləri. Bakı, İdeal Print, 2018.

Bu kiçik məcmuə "HH Group"un "Kənd təsərrüfatı məhsulları istehsalçılarına texniki dəstək layihəsi çərçivəsində növbəti məlumat və tövsiyə xarakterli nəşridir. Bu layihə çərçivəsində nəşr edilən bütün vəsaitlər istehsalçılarımıza pulsuz paylanılır. Azərbaycanda 13940,9 ha üzüm sahəsi mövcuddur və bu göstərici artmaqda davam edir. Bunu nəzərə alaraq üzüm istehsalı ilə məşğul olan fermerlərimizə texniki dəstək vermək məqsədi ilə bütün kənd təsərrüfatı bitkilərinin, o cümlədən də üzümün becərilmə texnologiyasında ən vacib yer tutan bitki mühafizəsi tədbirlərinin düzgün və optimal vaxtda aparılması üçün üzümün əsas xəstəlik və zərərvericiləri haqda kiçik bir məcmuə hazırlamaq istədik. Bu məcmuədə həmçinin üzümün bitki mühafizəsi tədbirləri sxemi də tərtib edilmişdir.