Kazımov Tahir. Hiylə və Zəka (tarixi roman, epopeya). Bakı, Elm və təhsil, 2017.

Tanınmış yazıçı Tahir Kazımovun oxuculara təqdim etdiyi yeni əsəri epopeya (dörd kitab) olaraq birinci kitabı "Hiylə və Zəka" XV əsrin əvvələrindən həmin əsrin əllinci illərinin axırlarına kimi Qaraqoyunlu və Ağqoyunlu iki tayfa bəyliyi dövlətlərinin arasında uzun sürən əqidə, dini mübarizələrindən bəhs edən tarixi romandır. Əsərdə iki bəyliyin Teymuri, Osmanlı və Misir Məmlük sultanlıqları ilə tarixi düşmənçiliyinə, Qaraqoyunlu Qara Yusifin, Ağqoyunlu Qara Yüluq Osmanın ölümlərindən sonra onların övladları arasında baş verən taxt-tac uğrunda mübarizələrinə, şərqin ilk diplomat qadını (Ağqoyunlu) Saray Xatunun dövlətçiliyin və ərazi bütövlüyünün qorunması yolunda qonşu sultanlıqlarla elçilik fəaliyyətinə və digər problemlərə geniş yer verilmişdir. Əsər gərgin süjetlərlə zəngindir. Romandan geniş oxucu kütləsi və tələbələr bəhrələnə bilərlər.