Nuridə Qədirova Atəşi. Azərbaycanın Xocalı-Gədəbəy mədəniyyətinin materialları avropa muzeylərində (son tunc və erkən dəmir dövrü) tarixi-arxeoloji araşdırma. Bakı, Elm və təhsil, 2015.

Monoqrafiyada Son Tunc və Erkən Damir Dövründə Mərkəzi və Cənubi Qafqazın geniş bir ərazisinə yayılan Xocalı-Gədəbəy mədəniyyətinin indiyə qədər beynəlxalq elm aləminə məlum olmayan tərəflərinə ışıq tutulmuş, indiyə qədər aparılan tədqiqatlar tənqidi şəkildə nəzərdən keçirilərək geniş tədqiq edilmiş və bu problemin öyrənilməmiş yönləri ortaya çıxarılmışdır. Bu mədəniyyətin tərkib hissəsi olan Azərbaycan ərazisində aşkar edilmiş döyüşçü qadın qəbirləri, Antik yunan və Roma yazılı mənbələrinin məlumatları, arxeoloji materiallar, qədim toponimlər, etnik-mədəni reallıqlar əsasında tədqiq olunur. Monoqrafiya Xocalı-Gədəbəy mədəniyyəti ilə bağlı tədqiqatları genis təhlil edən, onun problemlərini açan, konkret nəticə və təkliflərin əks olunduğu ilk xüsusi tədqiqat əsəridir.