Məhərrəmov Eldəniz Məzahir oğlu. Müasir idarəetmə nəzəriyyəsi. Bakı, Ləman, 2026.

Müasir idarəetmə nəzəriyyəsi adlı dərs vəsaiti müasir idarəetmə elminin nəzəri və praktik aspektlərini əhatə edir. Dərs vəsaitinin əsas məqsədi idarəetmə nəzəriyyələrinin inkişaf mərhələlərini, strukturunu və çağdaş idarəetmə sistemlərində qərar qəbuletmə proseslərini sistemli şəkildə təqdim etməkdir. Fəsillər müasir idarəetmə modellərinin elmi əsaslarını, iqtisadi metodların tətbiqini, strateji və korporativ idarəetməni, qloballaşmanın təsirlərini, Azərbaycan kontekstində idarəetmə təfəkkürünün inkişafinı və işgüzar ünsiyyətin rolunu əhatə edir. Kitab universitet tələbələri, magistrantlar, doktorantlar, idarəetmə sahəsində çalışan mütəxəssislər va strateji qərarların hazırlanması ilə məşğul olan menecerlər üçün nəzərdə tutulub. O, həm nəzəri bilikləri sistemləşdirir. həm də müasir idarəetmə praktikası üçün metodoloji bələdçi rolunu oynayır