Xavəri Sərxan, Quliyev Hikmət, Qarayev Səfa. Folklorun funksional strukturu: multidissiplinar kontekst. Bakı, Elm və təhsil, 2016.

Kitabda folklorun funksional strukturu müasir nəzəri-metodoloji yanaşmalar kontekstində multidissiplinar aspektdə tədqiqata cəlb edilmişdir. Araşdırmanın "Folklorun funksional strukturunun multidissiplinar analizi" adlanan birinci hissəsində sosial-mədəni fenomen olaraq folklorun funksional strukturu (əsasən fəlsəfi-kulturoloji prinsiplər üzrə), "Folklor və İnternet: sosial-mədəni proseslərin virtual mühitə transformasiyası problemləri" adlı ikinci hissəsində müasir şəraitdə ənənəvi folklordan virtual folklora transformasiyanın problemləri (sosiomədəni və sosiotexnoloji prinsiplər üzrə) araşdırılmışdır. "Koroğlu" dastanında ata-oğul konfliktinin psixoanalitik semantikası (Edip kompleksi kontekstində)" adlanan üçüncü hissədə isə folklora multidissiplinar (psixoanalitik prinsiplər üzrə) metodoloji tətbiq əsasında "Koroğlu" dastanının psixosemantik mahiyyəti öyrənilmişdir. Kitab akademik elmi dairə üçün nəzərdə tutulmuşdur.