Əsgərov Rəsul, Qurbanov Malik. İlk peşə-ixtisas təhsili: problemlər və perspektivlər. Bakı, Şahin-MB, 2016.

Ulu öndərimiz Heydər Əliyevin diqqəti sayəsində böyük inkişaf yolu keçən ilk peşə-ixtisas təhsili bu gün keyfiyyətcə yeni mərhələyə qədəm qoyur. Respublikamızda iqtisadiyyatın sürətli inkişafı və bazaryönümlü islahatların dərinləşməsi ilk peşə-ixtisas tahsilli kadrlara olan ehtiyacın daha çevik şəkildə ödənməsini tələb edir. Təhsili dövlətin prioritet sahələrindən biri hesab edən Prezident İlham Əliyevin böyük qayğısı nəticəsində ilk peşə-ixtisas təhsili bu gün yeniləşir və daha da inkişaf edir. Kitabda ilk peşə ixtisas təhsilinin bu vaxtadək çox az tədqiq olunmuş sahələri - peşə təhsilimizin tarixi, yeni məzmunun formalaşdırılması, təhsil müəssisələri ilə işə götürənlər arasındakı əlaqələr işıqlandırılmış, həmçinin təhsil strategiyasında xüsusi diqqət yetirilmiş məsələlərdən biri olan və peşə təhsili üçün xüsusi əhəmiyyət kəsb edən müəllimlərin ilkin təlimi və müasir təlim mühitinin formalaşdırılması məsələləri də kitabda geniş əksini tapmışdır. Ilk peşə ixtisas təhsili sistemində pedaqoji fəaliyyətlə məşğul olan, lakin pedaqoqika və psixologiya üzrə elmi bilikləri olmayan mühəndislərin salimə cəlb edilməsi məsələlərinə də kitabda yer ayrılmış, problemin həlli yolları güstərilmişdir. Vəsaitdən peşə-ixtisas təhsili məktəblərinin rəhbər və mühəndis pedaqoji işçiləri, təhsil menecerləri, ilk peşə-ixtisas təhsili üzrə mütəxəssislər, tədqiqatçılar və digər şəxslər istifadə edə bilərlər.