Müseyibli Nəcəf. Leylatəpə mədəniyyətinin qəbir abidələri və dəfn adətlərinin tədqiqinin bəzi məsələləri 72 adətləri. Bakı, Nafta-Press, 2014.

Kitab son xalkolit dövründə e. a. IV minilliyin birinci yarısında Cənubi Qafqazda, xüsusilə də Azərbaycan ərazisində yayılmış Leylatəpə arxeoloji mədəniyyətinin qəbir abidələrinin tədqiqatına həsr olunmuşdur. Əsərdə Qafqazın xalkolit dövrü tarixindəki bu fenomenin müxtəlif tip qəbir abidələrinin - kurqanlar, saxsı qablarda körpə uşaq qəbirləri və torpaq qəbirləri ətraflı tədqiq edilmişdir. Eyni zamanda Leylatəpə mədəniyyətinin qəbir abidələrinin, xüsusilə də kurqanların mənşəyi, dəfn adətləri Ön Asiya-Qafqaz kontekstində təhlil edilmişdir. Kitab Leylatəpə mədəniyyətinin qəbir abidələrinə aid ilk ümumiləşdirici monoqrafik əsərdir.