. Müasir Azərbaycandan tarixi Şirvanşahlar dövlətinə səyahət Beynəlxalq Elmi Konfrans. Konfrans kitabçası. Bakı, , 2018.

Konfrans çərçivəsində tarix, memarlıq, arxeologiya, etnoqrafiya, numizmatika, epiqrafika, ədəbiyyat və fəlsəfə üzrə müxtəlif tematik bölmələr işləyəcək. Konfransda çıxış edəcək məruzəçilərin təmsil etdiyi ölkələrə gəldikdə isə onların coğrafiyası çox genişdir. Rusiya, İran, Türkiyə, Gürcüstan, Misir, Bəhreyn, Özbəkistan və s. Xüsusilə qeyd etmək lazımdır ki, dünyada tanınmış məşhur alimlərlə yanaşı, gənc nəslə də tribuna veriləcək. Gənc alimlərin forumunun keçirilməsində əsas məqsəd tarixlə, xüsusilə də Şirvanşahların hakimiyyət dövrü ilə bağlı bilikləri dərinləşdirmək, nəzərdən keçirilən dövrün, regionun və onun əhalisinin sonrakı inkişafına təsirini obyektiv qiymətləndirməkdən ibarətdir. Bu cür forumlar elmi sahədə beynəlxalq əməkdaşlığın genişləndirilməsinə, birgə elmi tədqiqat aparmaq və Azərbaycan alimlərinin dünya elmi mühitinə fəal inteqrasiyası üçün effektiv şəraitin yaradılmasına xidmət edir.