İzmayıl Əhməd. Yaradıcılığın dərki. Bakı, Şərq-Qərb, 2019.

Hörmətli oxucu! Albom şəklində tərtib edilmiş bu kitab-albomda mənim memarlıq sahəsində praktiki və pedaqoji fəaliyyətimin müəyyən hissəsini əhatə edən məlumatlar təqdim edilmişdir. Bir çox yaradıcı sənət sahələrində olduğu kimi, memarlıqda da yüksək peşəkarlıq səviyyəsinə çatmaq üçün, adətən, uzun illər tələb olunur. Qurğunun forması ilə məzmununun, bütövlüyü ilə detallarının orqanik vəhdəti, adətən, memarın illərlə topladığı təcrübə və düşüncələri hesabına başa gəlir.