. 95 illik ömrün salnaməsi. Nəriman Həsənzadə. Bakı, UniPint, 2026.

Nəriman Həsənzadə adı bu gün Azərbaycan ədəbiyyatında bütöv bir məktəb, zəngin bir irs kimi səslənir. Sizin yaradıcılıq yolunuz gənc qələm sahibləri üçün həm nümunə, həm də dərsdir. Siz sübut etmisiniz ki, sənətkar üçün əsas olan istedadla yanaşı, vicdan, zəhmət və xalqa bağlılıqdır. Gənc nəslin ədəbiyyata və sözə sevgi ilə yanaşmasında Sizin əsərlərinizin, fikir və mövqeyinizin böyük rolu var. 95 illik ömür yolunuz həm də zəngin həyat təcrübəsinin, mənəvi kamilliyin təcəssümüdür. Siz bu illər ərzində zamanın çətin sınaqlarından keçərək sözünüzə, prinsipinizə və inandığınız dəyərlərə sadiq qalmısınız. Bu gün də Sizin adınız hörmətlə çəkilir, fikirlərinizə istinad olunur, yaradıcılığınız öyrənilir və sevilir. Bu, sənətkar üçün ən böyük mükafatdır. Əziz Nəriman müəllim, Sizin 95 illik yubileyiniz münasibətilə Sizə möhkəm cansağlığı, ruh yüksəkliyi, uzun ömür arzulayırıq. Qoy həyat enerjiniz, yaradıcılıq işığınız və müdrik sözünüz hələ uzun illər Azərbaycan oxucusuna yol göstərsin, ona mənəvi dayaq olsun. Qoy qəlbinizdən süzülən sözlər gələcək nəsillərin də düşüncə və duyğu dünyasını zənginləşdirsin. Bu əlamətdar gündə bir daha Sizə dərin ehtiramımızı bildirir, Azər-baycan ədəbiyyatına və mədəniyyətinə verdiyiniz əvəzsiz töhfələrə görə minnətdarlığımızı ifadə edirik. 95 illik şərəfli ömür yolunuz mübarək olsun!