Cəbiyev Qafar. Girdiman. Tarixi və tarixi coğrafiyası. Bakı, Elm-təhsil, 2015.

Monoqrafiyada erkən orta əsrlərdə Albaniyanın iqtisadi, siyasi, hərbi, dini və mədəni həyatında xüsusi yeri olan Girdiman vilayətinin tarixi və tarixi coğrafiyasından bəhs olunur. Çoxsaylı yazılı mənbə məlumatları, zəngin arxeoloji material, təkzibolunmaz təbii-coğrafi və etnik reallıqlar əsasında Girdiman vilayətinin tarixi və tarixi coğrafiyası dərindən və hərtərəfli surətdə araşdırılıb. "Girdiman" deyəndə ilk növbədə Kür çayının sol qolu olan Girdiman çayı yada düşür. Antik və orta əsrlər dövründə Albaniyanın iqtisadi, siyasi, hərbi, dini və mədəni həyatında olduqca önəmli yeri olmuş Girdiman vilayəti, onun hərbi-inzibati mərkəzi olan Girdiman şəhəri. Girdiman hökmdarı Cəsur Vardanın üç il ərzində tik dirdiyi möhtəşəm Girdiman qalası və həmin qalada alban hökmdarı Cavanşir tərəfin dən tikdirilən Girdiman məbədi isə bir çoxları üçün tariximizin çoxdan unudulmuş səhifələri olaraq qalmaqdadır. Maraqlı dairələr tərəfindən Girdiman problemi zaman-zaman bilərəkdən və məqsədli şəkildə təhrif olunaraq təqdim olunduğundan yeni dönəmdə bu tarixi anlamaq, öyrənmək və qavramaq daha da çətin olmuşdur. Əminik ki, bu əsərlə tanışlıqdan sonra Azərbaycan ictimaiyyətinin "Girdiman" deyəndə eyni adlı çayla yanaşı, həm də tariximizin İndiyədək yetərincə öyrənilməmiş olan bir sua vacib və maraqlı məqamların da xatırlamaq imkanları olacaqdır.