Qurbanov Y.Z., Novruzova M.S., Məmmədova İ.M.. Elektrokardioqrafiyanın əsasları. Bakı, CBS-PP, 2018.

Praktiki təbabət sahəsində fəaliyyət göstərən hər bir həkim "Elektrokardioqrama" asanlıqla oxumağı bacarmalıdır. Ürək nahiyəsində ağrı baş verən hallarda insanlar həkimə müraciət edirlər. Yadda saxlamaq lazımdır ki, ürək nahiyəsində ağı yalnız ürək xəstəlikləri ilə əlaqədar deyil, həmçinin çoxsaylı digər səbəblərdən də baş verə bilər. Əksər hallarda belə ağrıların kliniki əlamətləri təhrif olunmaqla diaqnostik çətinliklər yaradır. Bu da ağrının baş-vermə səbəbini araşdırmağı tələb edir. Bunun üçün çoxsaylı mövcud instrumental və funksional müayinə üsulları arasında öz sadəliyinə, istənilən şəraitdə asanlıqla tətbiq edilməsinə, diaqnostik əhəmiyyətinə və digər xüsusiyyətlərinə görə "Elektrokardioqrafiya" müayinə üsulu xüsusi əhəmiyyət kəsb edir. Məhz buna görə də EKQ təşkil edən elementləri, başqa sözlə onun əlifbasını bilmək və onları təhlil edib diaqnostik fikir söyləmək bacarığı vacib şərtlərdən biridir. Dərs vəsaiti əsasən Tibb Universitetinin tələbələri və EKQ-ni öyrənməyə başlayan həkim-klinisistlər üçün nəzərdə tutulmuşdur.