Pənah Gülxani. Geriyə dönməyən zaman (Elçin Əfəndiyevin sənət dünyası haqqında elmi-nəzəri düşüncələr).. Bakı, Elm və təhsil, 2025.

Çoxsaylı şeir və nəsr kitablarının, ədəbiyyatımızın bu və ya digər sahəsinə, eləcə də, ayrı-ayrı şəxslərin yaradıcılığına dair çoxsaylı monoqrafiyaların müəllifi, filologiya elmləri doktoru Gülxani Pənahın indiyəcən otuzdan çox kitabı işıq üzü görüb. Onun "Yazıçı və folklor", "Sənətkar va poeziya", "Mir Cəlalım elmi-nəzəri görüşləri", "Azərbaycan ədəbiyyatında detektiv janrı" və sair kitabları bu monoqrafiyaların sadəcə bir qismidir. Gülxani xanımın Ümummilli Öndər Heydər Əliyev cənablarının ədəbiyyata qayğısına həsr elədiyi "Heydər Əliyev və Azərbaycan ədəbiyyatı" monoqrafiyası, eləcə də, "Fələk belə qismət yazmaz, Xocalı", "Qarabağ dərdi", "Yurd yanğısı", "Dədə Şəmşir harayı", "Bura Vətəndir", "Tanrının unutduğu xocalılar" kimi bədii kitabları isə öz növbəsində müəllifin həm bir yazıçı, həm də filoloq alim kimi dövlətçilik əqidəsi və ziyalı kimi vətən daşlıq mövqeyindən xəbər verir.