Əlizadə Məmməd. Şahtaxtıdan başlanan ömür. Bakı, indigo, 2013.

Ucalıqdan göndərilən nə varsa onu ucalığa yetirmək insanın, yəni yarananın borcudur. Ulu tanrının bəşəriyyətə göndərdiyi maddi, mənəvi, əqli və zehni sərvətlərini, yalnız insan dərk edərək onu cəmiyyətin istifadəsinə verməlidir. Əlbəttə, Tanrı bu sərvətlərin dərkini və bəşər övladının sahibi etməsini yalnız və yalnız, əgər belə demək mümkün olarsa, özünün seçdiyi pak insanlara qismət edir. Yəni Ulu Tanrının sirlər xəzinəsinin qapısı hər adamın üzünə açılmır. Belə adamlara böyük hərflərlə, ALLAH ADAMI deyirlər.