Qurbanov Elşad. Bitki morfologiyası. Bakı, Bakı Universiteti, 2018.

Dərslik, BDU-nun Botanika kafedrasında tədris olunan "Bitki morfologiyası" fənninin proqramına əsasən yazılmışdır. Dərslikdə bitki orqanizminin ümumi qanunauyğunluqları, bitki orqanlarının daxili və xarici quruluşları, çoxalması, fərdi inkişaf xüsusiyyətləri haqqında geniş məlumat verilmişdir. "Bitki morfologiyası" dərsliyində bitki orqanlarının təkamülünə və inkişafına müasir baxışların formalaşması, ətraf mühit amillərinin təsirindən orqanların şəkildəyişmələri haqqında məlumatlar ayrı-ayrı fəsillərdə əks olunmuşdur. Bitki morfologiyası, bitki fiziologiyası, bitki ekologiyası, fitocoğrafiya və s. fənlər üçün bünövrə təşkil etdiyindən dərslikdən bakalavriatura və magistratura pillələrində təhsil alan tələbələr, müəllimlər və flora ilə maraqlanan şəxslər istifadə edə bilərlər.