. AZLİNG2022 - Azərbaycan dili və müasir dilçilik: problemlər, perspektivlər ve çağırışlar" mövzusunda beynəlxalq elmi konfransın materialları.. Bakı, Elm və təhsil, 2023.

Linqvistik topluda 2022-ci ilin oktyabr ayında Neftçala rayonunda keçirilmiş "AZLING2022- Azərbaycan dili və müasir dilçilik: problemlər, perspektivlər və çağırışlar" beynəlxalq elmi konfransında məruzə edilmiş, Azərbaycan dilçiliyinin müxtəlif sahələrinə dair aktual problemlərə həsr olunmuş məqalə və tezislər yer almışdır. Konfransda Azərbaycan dilçiləri ilə yanaşı, Türkiyə, Özbəkistan, Çin. Misir dövlətinin dilçi alimləri, o cümlədən Azərbaycanda təhsil alan əcnəbi tələbələr də elmi araşdırmalarla çıxış etmişlər. Topludakı tədqiqat işləri dilçilik elminin, o cümlədən Azərbaycan dilinin tarixi, müasir, nəzəri, praktik və s. məsələlərinə həsr olunmuşdur. Materiallar elmi mühit və geniş oxucu auditoriyası üçün nəzərdə tutulmuşdur.