Babayeva G.V. Ümumi kimya texnologiyası. Bakı, ADPU, 2022.

Pedaqoji universitetlərdə yüksək ixtisaslı müəllim kadrlarının hazırlanması, onların orta məktəbdə tədris işini elm və sənayenin müasir tələblərinə uyğun qurmalarını təmin etmək üçün kimya texnologiyasına aid istehsal sahələrində bir sıra kimyəvi məhsulların alınması və tədqiqinin anlaşıqlı, qısa şəkildə izahı və onların laboratoriya məşğələləri, həmçinin müxtəlif aspektlərdə olan sual və çalışmalarla mükəmməlləşdirilərək zənginləşdirilməsi bu dərs vəsaitinin əsas qayəsini təşkil edir. Kitab 15 fəsildən ibarət olub, həm üzvi, həm də qeyri-üzvi maddələrin texnologiyasını, onlara aid laboratoriya işlərini və çalışmaları əks etdirir. Əsasən pedaqoji universitetlərdə bakalavr təhsili alan tələbələr üçün yazılmış bu dərs vəsaitindən digər universitetlərin də tələbələri-bakalavr və magistrlər, həmçinin orta məktəb müəllimləri və abituriyentlər də istifadə edə bilər.