Qusarçaylı Ramiz, Məmməd Zakir. Bir yanı Şah dağı, bir yanı Xəzər (Şimal bölgəsinin yazarlarından seçmələr). Bakı, Mütərcim, 2017.

Kitabda Vətənimizin şimal regionunda doğulub ədəbi yaradıcılıqla məşğul olan və hazırda əsasən bu bölgədə yaşayan, eldə, oba məclislərində sözü dinlənilən, müxtəlif dillərdə yazıb yaradan, ədəbiyyata ardıcıl maraq göstərən yazarlarımızın yaradıcılığından seçmələr toplanıb. Əlbəttə, bu nümunələrin hamısını əsl ədəbi nümunələr saymaq fikrindən uzağıq. Ancaq əsas olan ümumi cəhət duyğuların, hisslərin səmimiliyidir, Vətənə, Azərbaycana, Torpağa, insanlara sevgidir.