Həsənli Yadulla Həmdulla oğlu. Ekonometrikaya giriş. Bakı, , 2008.

Kitab müəllifin 2003-cü ilərdə Asiya İnkişaf Bankının maliyyə dəstəyi ilə İqtisadi İnkişaf Nazirliyinin İqtisadi İslahatlar Mərkəzində (İndiki İqtisadi İslahatlar İnstituru), 2004-cü ildə Avrasiya Fondu Qafqaz Resurs Tədqiqat Mərkəzində və 2005-ci ildə Milli Bankın İqtisadi Təhlil və Proqnozlaşdırma departamentində keçirdiyi "Ekonometrikaya giriş" kursunun mühazirə və seminar materiallarına bəzi əlavələr edilməklə tərtib edilmişdir. Kitab üç fəsildən ibarətdir. Birinci fəsildə ehtimal nəzəriyyəsi və riyazi statistikanın, o cümlədən seçmə nəzəriyyənin əsas anlayışlarının qısa xülasəsi verilmişdir. İkinci fəsildə ekonometrikanın başlanğıc kursunun əsasları (korrelyasiya və reqressiya təhlilinin əsas məsələsi, ən kisik kvadratlar üsulu və parametrlərin qiymətləndirilməsi, cüt və çoxluq reqressiya modellərinin qurulması, Qauss-Markov şərtləri və onların pozulması halları, təhlil və proqnoz modellərinin adekvatlığı kriteriləri və testləri) verilərək konkret nümunələr üzərində şərhlər aparılmışdır. Üçüncü fəsildə Azərbaycanın rəsmi statistik rəqəmləri əsasında ekonometrik modelləşdirmə üsulları ilə bir sıra iqtisadi göstəricilərin təhlilləri aparılmış və proqnozları verilmişdir. Bu fəsilə əsasən müxtəlif illərdə ekonometrik modelləşdirməyə aid dərc edilmiş (müəllifi və ya həmmüəllifi olduğu) bəzi elmi məqalələri daxil edilmişdir.