. İşgüzar yazışmaların tərcümə nümunələri. Bakı, Mütərcim, 2023.

Rəsmi və işgüzar sənədlərin dil təzahürünə rəsmi-işgüzar üslub deyilir. Rəsmi-işgüzar üslub dedikdə dövlət strukturları tərəfindən verilən qanunların, beynəlxalq sənədlərin, işgüzar yazışmaların və s. üslubu nəzərdə tutulur. Dövlət orqanlarının qərarları, göstərişləri, müxtəlif orqanların, idarə və müəssisələrin sənədləri, qiymətli kağız və maddi dəyərlərin hesabatı rəsmi-işgüzar üslubda yazılır. Rəsmi-işgüzar üslub – rəsmi və işgüzar sənədlərin dilidir. Bu üslubda fikir müəyyən standart formalarda və olduqca yığcam şəkildə verilir, artıq sözlər, obrazlı ifadələr, fərdi nitq ünsürləri işlədilmir, lüğət tərkibi yığcam, sintaksisi məhduddur. Rəsmi – işgüzar üslubda bir sıra arxaik sözlər və köhnəlmiş sintaktik qəliblər uzun müddət qorunub saxlanılır. Üslubun əsas səciyyəvi xüsusiyyəti də elə budur. Milli rəsmi-işgüzar üslub başqa funksional üslublara nisbətən gec formalaşmışdır. Rəsmi sənədlər mütəxəssislər tərəfindən hazırlanır, yerlərdə müzakirə edilir, sonra isə təsdiqlənir.